07 iyu 07:34
Yangiliklar

Boshqalar

CHim ustida xokkey bo'yicha terma jamoamiz xalqaro turnirda ishtirok etmoqda

O'tgan yilning dekabr oyida Pokistonning Laxor shahrida erkaklar jamoalari o'rtasida chim ustida xokkey bo'yicha “Hockey Series” xalqaro turnirning birinchi bosqichi bo'lib o'tgan edi.

Tokio-2020 yozgi Olimpiya o'yinlari yo'llanmasi uchun reyting ballari beruvchi ushbu musobaqada terma jamoamiz Qozog'iston, Afg'oniston va Nepal terma jamoalarini yirik hisoblarda mag'lub etgan va o'z tarixida ilk marotaba mazkur turnirning ikkinchi bosqichiga yo'llanmani ko'lga kiritgan edi.

Mazkur xalqaro turnirning ikkinchi bosqichi 6-17 iyun kunlari Hindistonning Bxubaneshvar shahrida o'tkazilmoqda. Musobaqaning birinchi bosqichidan muvaffaqiyatli o'tgan jamoamiz dunyo reytingida 70-o'rindan 43-o'ringa ko'tarilgan edi.

Ikkinchi bosqichda vakillarimiz jahon reytingida yuqori o'rinlarni egallay olgan Hindiston (5-o'rin), Polsha (16-o'rin), Rossiya (22-o'rin), AQSH (25-o'rin) va Meksika (39-o'rin) kabi jamoalar bilan bahs olib boradilar.