23 fev 09:38
Yangiliklar

Boshqalar

CHim ustida xokkey. Bugun Andijonda mamlakat chempionati start oladi

23-28 fevral kunlari Andijon shahridagi ixtisoslashtirilgan olimpiya zaxiralari maktab-internatining sport majmuasida 2002-2003 yillarda tug'ilgan o'smir qizlar o'rtasida mamlakat chempionati o'tkaziladi.

O'tgan oyning oxirgi haftasida Urganch shahrida 16 yosh va undan kichik o'smirlar va o'smir-qizlar o'rtasida O'zbekiston ochiq kubogi o'tkazilgan edi. O'smirlar o'rtasidagi bahslarda maydon egalari bosh sovrinini qo'lga kiritgan bo'lsa, andijonliklar ikkinchi, namanganliklar esa uchinchi o'rinni qo'lga kiritishgandi. Qizlar o'rtasidagi kurashlarda mezbonlarga teng keladigani topilmagandi. Kumush va bronza medallari Samarqand hamda Farg'ona viloyati vakillariga nasib etgandi.

Andijonda o'tadigan O'zbekiston ochiq kubogida Andijon, Farg'ona, Namangan, Toshkent, Samarqand, Buxoro va Xorazm viloyatlari jamoalari ishtirok etishi kutilmoqda. SHuningdek, musobaqa davomida murabbiylar va hakamlar seminari tashkil etish ham rejalashtirilgan.