CHirchiqda futbol bo'yicha DXX kubogining saralash bosqichiga start berildi

5 aprel kuni O'zbekiston davlat jismoniy tarbiya va sport universiteti stadionida  CHirchiq shahridagi 16 yoshdan 30 yoshgacha bo'lgan yoshlar o'rtasida O'zbekiston Respublikasi Davlat xavfsizlik xizmati kubogi uchun sportning mini – futbol va futbol turlari bo'yicha dastlabki CHirchiq shahar saralash bosqich bellashuvlariga start berildi.

Uyushmagan, kam taminlangan va ayni paytda ishsiz yoshlar o'rtasida jismoniy tarbiya va sportni, shuningdek, aholi o'rtasida sog'lom turmush tarzini keng targ'ib qilish, yoshlarni jismoniy tarbiya va sport bilan muntazam shug'ullanishiga, xususan, sportning mini-futbol va futbol  turlarini yoshlar orasida ommalashtirish, iqtidorli sportchilarni erta aniqlash maqsadida start olgan mazkur  DXX kubogining dastlab,  tantanali ochilish marosimi tashkil etildi. Yuqori saviyada tashkil etilgan ochilish marosimida CHirchiq shahar hokimligi, sektor rahbarlari, Xalq deputatlari CHirchiq shahar kengashi deputatlari hamda tegishli tashkilot mutasaddilari ishtirok etishib, futbol jamoalariga  g'oliblik sari borishlari uchun omadlar tilashdi. SHundan so'ng ilk bellashuvlarga start berildi. Takidlash joiz, mazkur DXX kubogining saralash musobaqasi dastlab, CHirchiq shahridagi 4ta sektor kesimida 44 ta mahalla yoshlaridan tashkil topgan jamoalar o'rtasida hududlarga bo'lingan holda o'zaro kuch sinashishadi. G'olib jamoalar shahar, viloyat va respublika bosqichlarida ishtirok etishadi.

Musobaqalarning birinchi bosqichi joriy yilning aprel-may, ikkinchi bosqichi iyun-iyul oylarida hamda uchinchi final bosqichi avgust oyida o'tkazilishi rejalashtirilgan

Ilhom RAHMONOV tayyorladi