CHirchiqda karate-do bo'yicha xalqaro musobaqa g'oliblari aniqlandi

Mazkur turnirning tantanali yopilish marosimida Xalqaro karate federaciyasining (ITKF) Osiyo va Okeaniya mintaqasi bo'yicha Prezidenti Ibrahim al-Bakr janoblari, O'zbekiston (ITKF) karate-do federaciyasi prezidenti SHuhrat Kushmuratov hamda Universitet rektori Rashid Matkarimov qatnashdi. 

Ushbu xalqaro turnirda jami 300 nafar 6-8 yosh – bolalar va qizlar, 9-13 yosh – yoshlar va qizlar, 14-18 yosh – o'smirlar va o'smir qizlar, 19-21+ kattalar va ayollar, 40+ faxriylar ishtirok etdi. Uch kun davom etgan murosasiz bellashuvlarda barcha toifalar bo'yicha g'oliblar saralandi. 

Umumiy hisobda 1-o'rin Toshkent viloyati, 2-o'rin Samarqand viloyati, 3-o'rin Jizzax viloyati va Toshkent shahri sportchilari jamoalariga nasib etdi. 

– Hozirda 5 ming nafardan ziyod sportchilar ushbu sport turi bilan shug'ullanib kelmoqda, – deydi ITKF karate-do Prezidenti SHuhrat Kushmuratov. – O'zbekiston bundan oldin ham 1 marta jahon va 4 marta Osiyo chempionatiga mezbonlik qilgan. Muhimi, bu kabi musobaqalarda yurtimiz sportchilari mahoratini ko'rsatib, yaxshi natijalarni qayd etmoqda. 

– Keyingi yillarda mamlakatimiz sport sohasida jahon arenalarida katta yutuqlarga erishmoqda, – deydi O'zbekiston Davlat jismoniy tarbiya va sport universiteti rektori Rashid Matkarimov. – Albatta, bu yurtboshimiz tomonidan sohada yaratilayotgan sharoitlar natijasidir.

Universitetimiz ITKF karate-do Federaciyasi bilan hamkorlikni yo'lga qo'ydi. Kelajakda ushbu sport turining qamrovini yanada kengaytirishda o'z hissamizni qo'shamiz degan umiddaman. 

Tantanali tarzda o'tkazilgan ushbu xalqaro turnirning yopilish marosimida barcha g'olib sportchilar tashkilotchilar tomonidan taqdirlandi.