25 mar 18:07
Yangiliklar

Og'ir atletika

CHirchiqda yoshlar va kattalar o'rtasida o'tayotgan O'zbekiston chempionatining ilk kunidan FOTOREPORTAJ

Bugun O'zbekiston Davlat Jismoniy tarbiya va sport universiteti manejida og'ir atletika bo'yicha yoshlar va kattalar o'rtasidagi mamlakat birinchiligiga start berildi.

31 martga qadar davom etadigan musobaqada Respublikamizning barcha hududlaridan kelgan 300 nafardan ziyod atlet g'oliblik uchun bahs olib boradi.

Ahamiyatlisi, chempionatda ishtirok etuvchi sportchilar orasida Olimpiada chempionlari Ruslan Nurudinov va Akbar Jo'raev, jahon chempionlari Doston Yoqubov hamda Tursunoy Jabborova, dunyo birinchiligi sovrindori Adham Ergashev, uzoq tanaffusdan so'ng supaga qaytgan Rustam Jangabaev kabi nomlarni uchratish mumkin.

Mazkur musobaqa orqali terma jamoa murabbiylar shtabi may oyida o'tadigan qita birinchiligi, shuningdek, kuz faslida kutib turgan Osiyo o'yinlari va jahon chempionatiga tayyorgarlik yo'lida asosiy va zaxira tarkibini shakllantirib oladi.