CHiroqchida “Hokim Kubogi” musobaqasi o'tkazildi + FOTO

Jismoniy tarbiya va sportni keng ommalashtirish, ayniqsa, yoshlar orasida, mahalla, olis qishloq-ovullarda istiqomat qilayotgan aholi orasida sportni keng targ'ib qilish, sog'lom turmush tarzini yanada shakllantirish, istedodli sportchi-yoshlarni erta aniqlash  maqsadida mamlakatimizning barcha hududlarida bo'lgani kabi Qashqadaryo viloyatning har bir tuman va shaharlarida ham sport turlari bo'yicha musobaqalar tashkil etilmoqda. 

Xususan, viloyatning CHiroqchi tumanida ham mazkur jarayonlarga alohida etibor qaratilmoqda. Jumladan, CHiroqchi tumanidagi bolalar-o'smirlar maktabida shaxmat bo'yicha 18 yoshdan 30 yoshgacha bo'lgan yigit-qizlar o'rtasida “Hokim kubogi” bellashuvlari bo'lib o'tdi. 

CHiroqchi tuman hokimligi, viloyat jismoniy tarbiya va sport boshqarmasi, tuman jismoniy tarbiya va sport bo'limi, tuman xalq talimi bo'limi va boshqa hamkor tashkilotlar ko'magida tashkil etilgan ushbu bellashuvlarda 100 nafardan ortiq havaskor shaxmatchilar ishtirok etishdi. 

Musabaqaning yakuniy natijalariga ko'ra xotin-qizlar o'rtasida Xolida Nomozova barcha raqiblarini engib, birinchi o'rinni qo'lga kiritdi. Erkaklar o'rtasida esa Davron SHaripovga teng keladigani topilmadi va g'oliblikni tantana qildi. 

Musobaqa yakuniga etgach taqdirlash marosimi bo'lib o'tdi. Taqdirlash marosimida ishtirok etgan CHiroqchi tuman hokimi Xurram Jo'raev g'olib va sovrindorlarga kubok, medal, diplom va qimmatbaho esdalik sovg'alarini topshirdi. 

Aytij joiz, bugun va ertaga tumanda yana belgilangan dasturga muvofiq, sportning uloq-ko'pkari hamda belbog'li kurash turlari bo'yicha ham “Hokim kubogi” musobaqalari o'tkaziladi.

Ilhom RAHMONOV tayyorladi