CHiroqchlik faxriy polvonlar O'zbekiston chempionatida 6 ta medal qo'lga kiritishdi

Osiyo chempionatiga yo'llanma berishi bilan ahamiyatli bo'lgan mazkur mamlakat chempionatida qashqadaryolik, xususan, CHiroqchi sport maktabi faxriy polvonlarining ishtiroki muvaffaqiyatli bo'ldi. 

Jumladan, 60-65 yoshli faxriy polvonlar o'rtasida Xudoyberdi Mamatov, Bahriddin Yarmatov o'z vazn toifalarida oltin medalni qo'lga  kiritishdi. 50-55 yoshlilar o'rtasidagi bahslarda CHiroqchi sport maktabi direktori Anvar Jo'raev hamda 55-60 yoshlilarda nomdor polvon Mahmado'st Toshevlar ikkinchi o'rinni egallab, kumush medallarga ega chiqishdi. 

SHuningdek, yana bir chiroqchilik polvon, sport maktabi direktori Anvar Jo'raevning akasi Akbar Jo'raev (55-60 yosh) va (40-45 yosh) Bahodir Davronovga bronza medali nasib etdi. 

Yuqorida takidlaganimizdek, kuchli uchlikdan joy olgan faxriy atletlar aprel oyida poytaxtimizda o'tadigan Osiyo chempionatida ishtirok etish yo'llanmasiga ega bo'lishdi. 

Ilhom RAHMONOV tayyorladi