Coca Cola Superliga. Bugun "Navbahor" - "Mashal" va yana ikkita o'yin bor

Coca Cola Superliga. 11-tur
NAVBAHOR – MASH'AL
22 avgust 2020 yil. Toshkent. "Jar" stadioni. 18:30 (Sport TV LIVE)
Hakamlar: Vadim Agishev, Sardor Nishonboev, Avaz Abdullaev, Husan Muzaffarov
Nazoratchi: Andrey Tambovcev
Komissar: Zohid Akramov

Bu jamoalar hozirga qadar 34 bor o'zaro o'yin o'tkazishgan. 14 marta "Mashal", 13 marta "Navbahor" g'olib bo'lgan. Qolgan 7ta uchrashuvda durang qayd etilgan. Klublar O'zbekiston chempionatida so'nggi bor 2017 yilda to'qnash kelishgandi. O'sha mavsum qaysi jamoa o'z maydonida o'ynasa o'sha g'olib bo'lgan.

"Mashal" ikkita o'yindan buyon yutqazmayapti va o'z darvozasiga gol o'tkazgani yo'q. "Navbahor"ning ham mag'lubiyatsiz seriyasi ikkita o'yinga etdi.

BUXORO – SURXON
22 avgust 2020 yil. Bekobod. "Metallurg" stadioni. 18:30 (Dunyo Bo'ylab TV LIVE)
Hakamlar: Ravshan Abduvohidov, Zufar Eliboev, Farhod Usmonov, Sanjar Nazarov

Nazoratchi: Mamur Saidqosimov

Komissar: Oybek Yunusov

Ushbu ikki klub O'zbekiston chempionatida hozirga qadar 26 bor o'zaro o'yin o'tkazishgan. 15 ta uchrashuvda "Buxoro", 7 ta o'yinda "Surxon" zafar quchgan. Yana 4 ta uchrashuvda g'olibni aniqlashning imokni bo'lmagan.

O'tgan mavsum ikkala o'zaro o'yinda ham Termiz klubi o'z darvozasidan gol o'tkazmay (Termizda 1:0, Buxoroda 2:0 hisobida) g'olib bo'lgan. "Buxoro" bu mavsum 10ta o'yinning hech birida g'alaba qozongani yo'q. "Surxon" esa oxirgi ikki turda mag'lub bo'lmadi.

METALLURG – QIZILQUM
22 avgust 2020 yil. Toshkent. "Paxtakor" stadioni. 19:00
Hakamlar: Rahimbek Karimov, Sanjar SHoyusupov, Alisher Usmonov, Asker Najafaliev
Nazoratchi: Konstantin Smirnov
Komissar: Erkin Baxtiyorov.

Mazkur klublar bunga qadar O'zbekiston chempionatida 40 bor to'qnash kelishgan. 15ta uchrashuvda Navoiy klubi, 14 ta uchrashuvda Bekoboda klubi 3 ochko sohibiga aylangan. 11 ta o'yinda durang qayd etilgan.

"Metallurg" bu jamoaga qarshi kechgan oxirgi 4 ta o'yinning hech birida yutqazmagan - 3ta g'alaba, 1ta durang. So'nggi bor "Qizilqum" Bekobod klubini 2017 yilda mag'lub etgandi. Agar faqat "Metallurg" mezbon bo'lgan o'yinlarni hisobga olsak oxirgi marta "Qizilqum" 2009 yilda bu jamoani mag'lub etgan ekan.