Coca Cola Superliga. Bugun Qo'qonda "Metallurg", Muborakda "Bunyodkor" mehmon bo'ladi

Coca Cola Superliga. 15-tur
QO'QON-1912 – METALLURG
16 sentyabr 2020 yil. Qo'qon. "Markaziy" stadion. 17:00
Hakamlar: Rahim Karimov, Timur Galeev, Daler Tilloev, Akmal Rahimov
Nazoratchi: Sardor Najafaliev
Komissar: Zohid Akramov
Bu jamoalar O'zbekiston chempionatida hozirga qadar 21 marta o'zaro o'yin o'tkazishgan. 10ta o'yinda "Metallurg" g'alaba qozongan, 9ta bahsda "Qo'qon-1912" zafar quchgan. Yana ikki uchrashuvda g'olib aniqlanmagan. "Metallurg" 33ta gol urib, 32ta gol o'tkazgan.

O'zaro o'tgan oxirgi uchta o'yinning barchasida "Metallurg" g'alaba qozongan.

Qo'qonda o'tgan 10ta o'yinning faqat bittasida "Qo'qon-1912" mag'lub bo'lgan (2019 yil).
Birinchi davrada Bekobodda o'tgan bahsda Stanislav Andreevning penaltidan urgan goli mezbonlarga g'alaba keltirgandi - 1:0.

Coca Cola Superliga. 15-tur
MASH'AL – BUNYODKOR
16 sentyabr 2020 yil. Muborak. Bahrom Vafoev nomidagi stadion. 17:30
Hakamlar: Temur To'xtasinov, Anvar Marajabov, Ziyodulla Abdurahmonov, Davronbek Akmalov
Nazoratchi: Rashid Aytekov
Komissar: Laziz Qo'chqorov

Ushbu klublar bugunga qadar 21 marta to'qnash kelishgan. 17ta o'yinda "Bunyodkor" g'olib bo'lgan, 2 marta "Mashal" zafar quchgan va 2ta uchrashuvda durang kuzatilgan.

"Mashal" bu jamoaga qarshi o'z maydonidagi oxirgi uchta o'yinning hech birida yutqazmagan - 2ta g'alaba, 1ta durang.

Dastlabki davrada Toshkentda kechgan bahsda Jasur Jaloliddinov tomonidan urilgan gol "qaldirg'ochlar"ga g'alaba keltirgandi - 1:0.