Coca-Cola Superligasi. Bugun Navoiy va Olmaliqda o'yin bor

“Qizilqum” – “Nasaf”

14 sentyabr 2019 yil. Navoiy, "Yoshlar" stadioni. 18:30

Hakamlar: Aziz Asimov, Ruslan Serazetdinov, Ravil SHoyaxmitov, Rahimbek Karimov

O'tgan turda safarda o'ynagan va mag'lub bo'lgan klublar o'rtasidagi bahs. Bu ikki klub O'zbekiston chempionatida jami 41ta o'zaro o'yin o'tkazishgan. 24 marta "ajdarlar" g'olib bo'lishgan. 10ta uchrashuvda durang kuzatilgan va 7 marta "Qizilqum"ning qo'li baland kelgan.

Birinchi davrada Qarshida kechgan uchrashuvda 1:1 hisobi qayd etilgan edi. "Ajdarlar" safardagi oxirgi ikkita uchrashuvda ham mag'lub bo'ldi. "Qizilqum" o'z maydonidagi oxirgi beshta uchrashuvda faqat bir marta g'alaba qozondi xolos.

Malumot uchun, ortda qolgan 18ta turda Superligada eng ko'p gol o'tkazgan klub - "Qizilqum" (37 ta).

AGMK – “Dinamo”

14 sentyabr 2019 yil. Olmaliq, OKMK stadioni. 18:30

Hakamlar: Jasur Muxtorov, Baxtiyorxo'ja SHavkatov, Rishat Nugmanov, Ravshan Abdivohidov

Mirjalol Qosimov boshchiligidagi klub Davron Fayzie boshchiligidagi klub bilan o'ynaydi. Bu jamoa klub O'zbekiston chempionatida o'zaro 19ta o'yin o'tkazishgan. 7 marta Samarqand klubi g'olib chiqqan, 8 bor AGMK zafar quchgan. 4ta uchrashuvda durang qayd etilgan.

Dastlabki davrada Samarqandda o'tgan o'yinda "Dinamo" 1:0 hisobida g'alaba qozongan edi. "Dinamo"ning Superligadagi mag'lubiyatli seriyasi oltita o'yinga etdi. Ikkinchi davrada barcha beshta o'yinda yutqazgan yagona klub aynan "Dinamo" hisoblanadi. AGMK esa oxirgi ikki turda ikki marta mag'lubiyat alamini totib ko'rdi va umuman gol ura olmadi.

Qizig'i, bu klublar O'zbekiston Liga kubogi yarim finalida ham o'zaro o'yin o'tkazishadi.