So’nggi yangiliklar

18:19Жаҳонгир Нажмиддиновнинг Octagon 70 турниридаги рақиби ўзгарди 0 17:58Аббосбек Файзуллаев: "Европада ўйнаб кета оладиган ўзбекистонликлар етарли" 0 17:33Ана холос. Дунёнинг биринчи ракеткаси уч ойга четлатилди 0 17:11Генри Сехудо Мераб Двалишвили билан жанг қилмоқчи 0 16:39"Волкановскига паст баҳо бермайман, лекин мен уни нокаут қиламан" - Топурия 0 16:14"Бунёдкор" Молдованинг амалдаги чемпионини мағлуб этди 0 15:41Абдурасул Исмоиловнинг навбатдаги рақиби ва жанг санаси маълум. Жанг камар учун кечади! 0 15:12Мераб Двалишвили қандай ҳолатда чемпионлик камарини вакант қолдиришини айтди 0 14:41Бугун Шоҳжаҳон Эргашев Фарғонада навбатдаги жангини ўтказади 0 14:06"Челси" охирги марта 3 йил олдинги салбий натижани такрорлади 0 13:39Ислам Махачев Жастин Гэтжига қарши жанг қиладими? Чемпион жавоб берди 0 13:18Нурсултон Рўзибоевнинг жанги асосий карддан прелимга туширилди 0 12:57Абдумалик Халоков Испанияда жанг қилади, рақиб аниқ! 0 12:36Роналдо ўзи билан ўйнаган энг ёмон футболчининг номини айтди 0 12:15Актенге Кеунимжаева Беларусдаги мусобақа вице-чемпиони бўлди 0

19 okt 09:54
Yangiliklar

Futbol

Coca Cola Superligasi. Bugun to'rtta o'yin bor

Bugun Coca Cola Superligasining 22-turidan o'rin olgan so'nggi to'rt o'yin bo'lib o'tadi.

Muddatdan avval chempionlikka erishgan "Paxtakor" musobaqa jadvalining eng so'nggi pog'onasida borayotgan "Dinamo" mehmoni bo'ladi. Samvel Babayan boshchiligidagi "Lokomotiv" ushbu turda Muhsin Muhammadiev boshchiligidagi "Buxoro"ni mehmon qiladi.

15:15 - “Surxon” – “Navbahor”

Hakamlar: Zokir Qodirov, Ruslan Samandarov, Husniddin SHodmonov, Nayim Qosimov

Superligada ikki o'yindan buyon mag'lub bo'lmayotgan "Navbahor" Termizda o'tgan turda uchta o'yindan iborat g'alabali seriyasi tugagan "Surxon"ga qarshi o'ynaydi.

Bu jamoalar O'zbekiston chempionatida 25 marta to'qnash kelishgan. 18ta uchrashuvda "lochinlar", 5ta bahsda termizliklar zafar quchishgan. Qolgan ikkita o'yinda g'olibni aniqlashning imkoni bo'lmagan. Birinchi davrada o'tgan bahsda "Navbahor" o'z maydonida 3:0 hisobida g'alaba qozongan.


16:30 - “Dinamo” – “Paxtakor”

Hakamlar: Ahrol Risqullaev, Timur Galeev, Aleksandr Sidorov, Elyor Tursunov

Muddatdan avval chempionlikka erishgan "Paxtakor" musobaqa jadvalining eng so'nggi pog'onasida borayotgan "Dinamo" mehmoni bo'ladi.

"SHerlar" bu mavsumda umuman yutqazmagan yagona klub bo'lib turishibdi. "Dinamo" esa 9ta turdan buyon faqat mag'lubiyat alamini totib ko'rmoqda. So'nggi bor Samarqand klubi 21 iyun kuni maydonni yutqazmay tark etgandi.

Birinchi davrada Toshkentda o'tgan bahsda Javohir Sidiqov va Jaloliddin Masharipovning urgan gollari "Paxtakor"ga g'alaba keltirgan edi - 2:0.

Ushbu klublar shu kunga qadar 47 marta o'zaro o'yin o'tkazishgan. 36 marta "sherlar" zafar quchishgan, 6ta bahsda samarqandlilar g'olib bo'lishgan. Beshta uchrashuvda durang kuzatilgan.

"Dinamo" o'z uyida so'nggi bor 2010 yilgi mavsumda "Paxtakor"ni mag'lub etgandi. SHundan so'ng Samarqandda ketma-ket olti uchrashuvdan buyon "Dinamo" bu raqibni taslim qilolmay kelmoqda.

16:30 - “Lokomotiv” – “Buxoro”

Hakamlar: Firdavs Norsafarov, Abduhamidillo Rasulov, Jahongir Saidov, To'rabek Suyunov

Samvel Babayan boshchiligidagi "Lokomotiv" ushbu turda Muhsin Muhammadiev boshchiligidagi "Buxoro"ni mehmon qiladi. "Buxoro" oxirgi beshta turda faqat bir marta mag'lub bo'ldi xolos. "Lokomotiv" esa etti turdan buyon hech kimga yutqazgani yo'q va so'nggi 4ta uchrashuvda raqiblar bilan bir xil 1:1 hisobida durang o'ynadi.

Dastlabki davrada Buxoroda kechgan bahsda Arslanmirat Amanov va Temurxo'ja Abduxoliqov tomonidan urilgan gollar "Lokomotiv"ga g'alaba keltirgan - 2:0.

O'zbekiston chempionatida bu ikki klub hozirga qadar o'zaro 29ta marta to'qnash kelishgan. 18ta uchrashuvda "temiryo'lchilar" 3 ochkoni qo'lga kiritishgan bo'lsa, 6ta o'yinda buxoroliklarning qo'li baland kelgan. Qolgan 5ta bahsda g'olib aniqlanmagan.


17:30 - “Nasaf” – “Andijon”

Hakamlar: SHerzod Qosimov, Sanjar SHoyusupov, Alisher Usmonov, Rustam CHoriev

9-o'rindagi "Andijon" 7-o'rindagi "Nasaf" bilan o'ynaydi. "Nasaf" Superligada so'nggi beshta turda umuman g'alaba qozona olmadi (1 durang va 4 mag'lubiyat). "Andijon" esa aksincha oxirgi uchta o'yinda hech kimga yutqazgani yo'q (2 g'alaba va 1 durang). Birinchi davrada Andijondagi o'zaro bahsda "Andijon" 3:1 hisobida g'alaba qozongan edi.

Umuman olib qaraganda bu ikki klub O'zbekiston chempionatida jami 37 marta to'qnash kelishgan SHundan atigi 6tasida "Andijon" uch ochkoga ega chiqqan. 23 marta "ajdarlar" zafar quchishgan. Qolgan 8ta o'yinda g'olib aniqlanmagan.

Qarshida "Nasaf" 8ta o'yindan buyon "Andijon"ni mag'lub etib kelmoqda. 2007 yilda "burgutlar" bu jamoa maydonida durang o'ynashgan. "Andijon"ning Qarshidagi yagona g'alabasi 1999 yilgi mavsumda qayd etilgan.

Reyting:    

Fikrlar

< so’nggi yangiliklarni ko’rish

Olamsport ni Facebook da o’qish
uchun "Yoqdi"ni bosing