09 iyu 14:16
Yangiliklar

Engil atletika

Darya Reznichenko Espooda birinchi bo'ldi

Engil atletikachilarimizning Evropa maydonlaridagi muvaffaqiyatli ishtiroki davom etadi.

Tokio-2020 ishtirokchisi Darya Reznichenko bu gal Finlyandiyaning Espoo shahrida o'tgan turnirda g'alaba qozondi.

“Espoo Motonet GP” musobaqasida atletimiz uzunlikka sakrash dasturida qatnashdi. O'zining ikkinchi urinishda Darya 6,20 metr natija qayd etdi. Musobaqada ishtirok etgan hech bir sportchi ushbu natijani yaxshilay olmadi va hamyurtimiz turnir g'olibiga aylandi.

“Espoo Motonet GP” turniri. Uzunlikka sakrash, ayollar

1. Darya Reznichenko (O'zbekiston) – 6,20
2. Jessika Kaxara (Finlyandiya) – 6,08
3. Saga Vanninen (Finlyandiya) – 6,07