Dastin Pore Islam Maxachev bilan jang qilishga tayyorligini aytdi

Amerikalik jangchi maqsadi jiddiy ekani, bu gaplarni ommani o'ziga qaratish uchun aytmayotganini takidladi. 

"Dastin g'alaba qozonmaguniga qadar unga chempionlik janglari beraverishadimi?", - deya muxlislardan biri Porening murojaatiga fikr qoldirgandi. 

"Reja shunday!", - deya Pore ijtimoiy tarmoqdagi muxlisga "otvet" qildi.

"Sen yana uchinchi raundda yutqazasan", - deya yana bir muxlis munozaraga qo'shildi. 

"Ortdan bo'g'ish usuli bilanmi?", - deya "Brilliant" so'z o'yini bilan javob berdi.

Malumot uchun, Dastin Pore ikki bor chempionlik kamari uchun jang qilgan va har ikkisida ham omadsizlikka uchragan. Dastlab UFC chempioni Xabib Nurmagomedovga, keyin esa CHarlz Oliveyraga imkoniyatni boy bergan. Har ikki sobiq chempionlar Poreni bo'g'ib qo'ygandi. 

Dastin o'tgan yilning noyabr oyida vatandoshi Maykl CHendlerni uchinchi raundda bo'g'ish usuli bilan mag'lubiyatga uchratgan edi.