Dastin Pore kimlar bilan jang qilmoqchi ekanini aytdi

Amerikalik aralash yakkakurash ustasining ro'yxatidan Neyt Dias, Konor Makgregor, Aleksandr Volkanovski, Maks Xollouey, Jastin Getji, CHarlz Oliveyra va Kolbi Kovington o'rin olgan.

"Yuz foiz. Mana shu ro'yxatdagilarning biri bilan navbatdagi jangimda aniq to'qnash kelaman. Islam bilan jangdan keyin uyga qaytganimda faoliyatimni yakunlash haqida o'ylay boshlagandim. Jarohatlarimni davolab olganimdan keyin yana oktagon sog'inchi qiynayapti va men sevimli ishimga qaytishga qaror qildim. Men hech qachon ketma-ket ikkita jangda mag'lub bo'lmaganman. Qolaversa, sevimli sportimdagi faoliyatimni mag'lubiyat bilan yakunlash niyatida emasman", - dedi "Brilliant".  

Eslatib o'tamiz, Dastin Pore 2 iyun tongida Nyuarkda o'tgan UFC 302 turnirida UFC chempioni Islam Maxachevga imkoniyatni boy berib, kamar uchun bo'lgan uchinchi urinishdan ham foydalana olmagan edi.