Dastin Pore Maxachevdan kechirim so'radi

Oqshomning markaziy jangida engil vazn toifasi chempioni Islam Maxachevga qarshi oktagonga chiqadigan Dastin Pore kecha matbuot anjumanida raqibi shaniga o'ta qo'pol so'z aytgandi. Amerikalik aralash yakkakurash ustasi Islamga qarata haromi (motherf*cker) degan so'zni ishlatgandi. "Brilliant" ana shu so'zi uchun tarozidan o'tish marosimida Maxachevdan uzr so'radi. 

"Sen meni juda yaxshi bilasan. Men hech qachon sening oilang shaniga nomaqbul so'zlarni aytmaganman. Garchi o'rtamizda urush, dushmanchilik bo'lsa-da, lekin oilangni haqorat qilishni istamagandim. Bu gaplarni senga chin yurakdan aytyapman", - dedi Pore.

"O'zingni oqlashga urinishingni tushunishga harakat qilyapman. Bu so'zlar bizda yaxshi qabul qilinmaydi. Balki, AQSHda bu oddiy holdir, lekin bizning davlatda bunday emas", - deya Dastinning uzriga javob bergan Maxachev.