14 noy 09:09
Yangiliklar

Boks/MMA

Dastin Pore Xabibning taklifini qabul qildi

UFC 281 turniri doirasidagi jangda Maykl CHendlerni muddatidan avval mag'lub etgan Dastin Pore sobiq chempion Xabib Nurmagomedovning taklifiga rozilik berdi.

Nurmagomedov Porega Benil Dariushga qarshi davogarlar jangida oktagonga chiqish taklifini bergan edi.

"Bu taklifda katta mano va reallik bor. Benil bir necha "katta bolalar"ni mag'lubiyatga uchratdi va davogarlar jangida oktagonga chiqishga loyiq ekanini isbotladi. Ko'ramiz, shaxsan men bu jangga roziman. Ko'p narsa UFC`ning rejalari va mening oktagonga qaytish muddatimga bog'liq. Takror aytaman, bu ajoyib jang bo'lar edi", - dedi Dastin UFC 281 turniridan keyingi matbuot anjumanida.

Xabib Nurmagomedov "Brilliant"ga 11 fevral kuni Avstraliyaning Pert shahri mezbonlik qiladigan UFC 284 turnirida Dariushga qarshi jang o'tkazishni taklif etgan. Ushbu kardning asosiy jangida Islam Maxachev Aleksandr Volkanovskiga qarshi oktagonga chiqadi.