Davis Cup. Alkarazda koronavirus aniqlandi. Endi u terma jamoasiga yordam berolmaydi

Alkarazning bugun Ekvadorga qarshi "A" guruhida o'ynashi kutilgandi. SHu tariqa, Pablo Karrena-Busta va Alberto Ramos Ispaniya terma jamoasi safida guruh bosqichining yakkalik bahsida ishtirok etadi.

Eslatib o'tamiz, Ispaniya terma jamoasining raqiblari Rossiya va Ekvador terma jamoalari hisoblanadi. Karlos Alkaraz Rafael Nadalning izdoshi hamda "Devis Kubogi" finalida Ispaniyaning eng nomdor tennischisi sifatida etirof etilgan edi.

"Devis Kubogi"da ilk bor ishtirok etmoqchi bo'lgan 18 yoshli Alkaraz ijtimoiy tarmoqlarda bu kabi muhim va alohida turnirni o'tkazib yuborganidan afsusda ekanligini aytdi.

"Madridda, o'z vatanimda, muxlislarimiz ko'z oldida o'ynashimdan juda hayajonda edim", - dedi u. - Ammo bazida barchasi biz xohlagandek bo'lmaydi va siz buni engib o'tishingiz kerak. Bu juda og'ir zarba, lekin men o'zimga kelishim, kuchliroq bo'lishim zarur", - dedi Alkaraz.

Avvalroq, Xalqaro tennis federaciyasi Ispaniya terma jamoasi azosi koronavirusga chalingani va izolyaciyaga olingani haqida malum qilgan edi. Biroq tennischining ismi oshkor etilmagandi. Ispaniya jamoasining qolgan azolari yangi PCR testini topshirishadi.

ATR reytingida 32-o'rinni egallab turgan Alkarazning o'rnini jahonning 60-raketkasi Pedro Martines egallaydi. 

Ispaniya terma jamoasining tarkibi quyidagicha: Pablo Karreno Busta, Alberto Ramos-Vinolas, Felichiano Lopes, Marsel Granollers. Jamoa sardori - Serxi Bruguera.

Ispaniya jarohati tufayli allaqachon Nadalsiz qolgan edi. Bu hafta boshida esa jarohati tufayli jahonning 19-raketkasi Roberto Bautista Agutni yo'qotdi.

Malumot uchun, Madrid, Insbruk va Turin shaharlarida o'tkazilayotgan "Devis Kubogi" turnirining amaldagi g'olib Ispaniya terma jamoasi hisoblanadi.