08 mar 08:32
Yangiliklar

Tennis

Davis Cup. AQSH - O'zbekiston bahsi kutilgan hisob bilan yakunlandi

AQSH va O'zbekiston terma jamoalari o'rtasidagi Devis Kubogining pley-off bosqichidan o'rin olgan uchrashuv yakunlandi.

Musobaqaning kecha o'tkazilgan birinchi kungi yakkalik bahslarida Denis Istomin va Sanjar Fayziev raqiblariga imkoniyatni boy berishgandi. Bugun bundan bir necha daqiqa avval ikkinchi kungi uchrashuvlar ham kutilgan natija bilan yakunlandi.

Avvaliga Denis Istomin reytingning 57-pog'onasidan joy olib turgan Tommi Polga 3:6, 0:6 hisobida yutqazib qo'ydi. Keyin esa juftlik bahsida Istomin/Fayziev hamkorligi amerikalik mashhur juftlik - aka-uka Brayanlarga 3:6, 4:6 hisobida engilishdi. Fayzievning yakkalikdagi Reyli Opelkaga qarshi o'tkazishi lozim bo'lgan uchrashuvi bekor qilindi.

SHu tariqa, Farruh Do'stov sardorligidagi O'zbekiston terma jamoasi okean ortida juda ham kuchli bo'lgan AQSH terma jamoasiga 0:4 hisobida mag'lub bo'ldi.