"Davis Cup". Bugun Norvegiyaga qarshi juftlik bahslarida o'ynaymiz

Jahon ligasi saralash bosqichida O'zbekiston terma jamoasi Norvegiyaga qarshi bahs olib bormoqda. 

Kecha yakkalik bahslarida avvaliga Humoyun Sultonov, keyin esa Denis Istomin imkoniyatni boy berib qo'ydi. Bugun musobaqa doirasida juftlik bahslari va ikkita yakkalik bellashuvlari bo'lib o'tadi. 

Toshkent vaqti bilan soat 17:00da Denis Istomin / Sanjar Fayziev juftligi Kasper Rud / Viktor Durasovich tandemiga qarshi bahs yuritadi. 

Ushbu bahs to'qnashuv taqdirini hal qilib beradi. Ayni paytda hisob Norvegiya foydasiga 2:0 hisobiga hal bo'lib turibdi. 

To'rtinchi va beshinchi bahslarda Denis Istomin va Humoyun Sultonov yakkalik o'yinida kortga chiqadi. Juftlik bahslari natijasiga qarab, yakkalikda ishtirok etadigan tennischilarimiz ro'yxati o'zgarishi mumkin.