Davron Fayziev Bahodir Jalolovning Parij Olimpiadasidagi ishtirokidan nima kutayotganini aytdi

Jalolov bir necha kundan keyin start oladigan Parij-2024 Olimpiadasida ishtirok etadi.

"Hozirgi kunda o'ta og'ir vazn toifasida Olimpiya boksida Bahodir Jalolovdan kuchli bokschini bilmayman, to'g'risi. O'ziga-o'zi yutqazmasa, menimcha, hech kimning kuchi etmaydi. O'ziga-o'zi yutqazmasligi uchun maksimal yondashishi kerak, maksimal tayyorgarlik bilan borishi kerak. U esa professional. O'ylayman-ki, 100 % imkoniyati bilan ringga chiqadi. Nasib qilsa, hech qanday jarohatlarsiz turnirni o'tkazsa, uni hech kim to'xtata olmaydi", dedi Davron Fayziev Olamsport.com muxbiri bilan suhbatda.