Dayibekova, Pliego, Obvinceva kabi qilichbozlarimiz licenzion turnirda ishtirok etish uchun kurashishmoqda

Hozirda terma jamoamiz mazkur turnirga qizg'in hozirlik ko'rmoqda.

Qayd etish joiz, musobaqada jahon reytingi orqali Olimpiadaga yo'llanma ololmagan davlatlar har bir yo'nalishda bir nafardan sportchini ro'yxatdan o'tkazishi mumkin. Bir qator yo'nalishlarda terma jamoamizda ichki raqobat kuchli. SHu bois murabbiylar hozirda kimning tayyorgarligi yuqori darajada ekanligini ko'rishi uchun terma jamoa vakillari orasida saralash musobaqasi o'tkazilmoqda. Bugun MOQ hamda O'zbekiston qilichbozlik federaciyasi raisi Rustam SHoabdurahmonov mazkur jarayonni kuzatib borish uchun terma jamoa bazasiga tashrif buyurdi. Unga MOQ raisi o'rinbosari SHerzod Tashmatov hamrohlik qildi.

Mazkur saralash musobaqasi 15-17 aprel kunlari ayollar o'rtasida sablya yo'nalishida bo'lib o'tadi. Saralash janglariga 13 nafar sportchi jalb etilgan bo'lib, ular orasida asosiy raqobat Zaynab Dayibekova, Paola Pliego hamda Yana Obvinceva o'rtasida kechishi kutilmoqda. SHaffoflik uchun bellashuvlarni xorijdan chaqirilgan xalqaro toifadagi hakamlar boshqarib borishmoqda.

Yana bir ahamiyatli jihati, mazkur musobaqa avvalidan o'z fikr va maslahatlari bilan o'rtoqlashish uchun Pan-Amerika qilichbozlik konfederaciyasini boshqarib borayotgan hamyurtimiz Vitaliy Logvin ham ayni vaqtda Toshkentda bo'lib turibdi. Eslatib o'tamiz, licenzion musobaqada faqat oltin medal sohiblarigina Tokio-2020 Olimpiadasi ishtirokchisiga aylanadi.