Denis Istomin Avstraliya ochiq chempionatida ishtirok etadimi?

Muxlislarni yurtimizning birinchi raqamli raketkasi Denis Istominning ushbu musobaqada ishtirok etishi qiziqtirmoqda.

O'zbekiston tennis federaciyasi matbuot xizmatining malum qilishicha, yurtdoshimiz bo'lajak musobaqaning saralash bosqichidan ishtirok etadi. Kvalifikaciya bahslari 10 yanvar kuni start oladi. Hozirda tennischimiz bo'lajak musobaqaga qizg'in hozirlik ko'rmoqda.

Takidlash joiz, tarixda ilk bor saralash bahslari Avstraliyadan tashqarida o'tkaziladi. Reglamentga ko'ra, erkaklar o'rtasidagi kvalifikaciya Doxada, ayollarniki esa Dubayda o'tishi belgilab qo'yilgan. Musobaqaning asosiy davra bahslari 8 fevral kuni ananaviy tarzda Melburn shahrida start oladi. Musobaqaning bu yilgi sovrin jamg'armasi 55.534.000 AQSH dollarini tashkil etadi.