26 mar 11:23
Yangiliklar

Boks/MMA

Devid Benavides - Kaleb Plant jangi to'liq davom etdi

AQSHning Nevada shtati Las-Vegas shahrida professional boks kechasi bo'lib o'tdi.

Oqshomning asosiy jangida ikkinchi o'rta vazn toifasida vaqtinchalik WBC chempioni Devid Benavides shu vaznda sobiq jahon chempioni Kaleb Plantga qarshi ringga ko'tarildi.

Ushbu jang g'olibi ikkinchi o'rta vaznda mutlaq jahon chempioni, meksikalik Saul "Kanelo" Alvaresga qarshi ringga ko'tarilish huquqini qo'lga kiritishi bilan ham ahamiyatli edi. O'n ikki raundga mo'ljallangan jang to'liq davom etdi va g'olib hakamlar qaroriga ko'ra aniqlandi.

Plant jangni faollik bilan boshlasa-da, yakun Benavides tomonida bo'ldi. Hakamlar 117-111, 116-112, 115-113 hisobida Devidning g'alabasini qayd etishdi. Bu bilan Benavides o'z kamarini muvaffaqiyatli himoya qildi.