25 apr 13:30
Yangiliklar

Boks/MMA

Devid Benavides Saul Alvaresni qo'rqoqlikda aybladi

Amerikalik chempion Devid Benavidesning ishonchi komilki, Saul "Kanelo" Alvares uzoq vaqt davomida u bilan ringda uchrashishdan ongli ravishda qochib kelmoqda.

"U shunchaki qo'rqadi. Bor gap shu. Kaneloga bo'lgan hurmatim bilan... CHunki u boksda erishish mumkin bo'lgan hamma narsaga erishdi. Men juda uzoq vaqt davomida ikki vaznda majburiy davogar bo'lib keldim. U esa men bilan jang qilishni istamasligini bildirdi. Juda achinarli, chunki hamma bu jangni ko'rishni orzu qilgan edi", - deya Benavidesning so'zlarini keltiradi Boxing News 24/7.

Eslatib o'tamiz, 2 may kuni Devid birinchi og'ir vazn toifasida WBO va WBA chempioni Xilberto Ramiresga qarshi ringga ko'tariladi. Keyin 29 yoshli Benavides rossiyalik Dmitriy Bivol bilan uchrashish uchun yarim og'ir vazn toifasiga qaytishni rejalashtirmoqda.