Devis Kubogi. Buyuk Britaniya - O'zbekiston - 1:1. Jo'rabekdan “sensacion” g'alaba!

Devis Kubogi erkaklar terma jamoalari o'rtasidagi norasmiy jahon chempionati hisoblanadi. Kecha yakkalik bahslarida ikki uchrashuv o'tkazildi. “Emirates Arena”dagi ilk bahsda Denis Istomin kutilmaganda Dani Evansga besh set natijasiga ko'ra imkoniyatni boy bergan edi. 

Ikkinchi yakkalik uchrashuvida “sensacion” natija qayd etildi. Mezbonlarning birinchi raketkasi Kemeron Norriga qarshi kortga chiqqan bizning ikkinchi raqamli tennischimiz Jo'rabek Karimov ajoyib kambek evaziga umumiy hisobni tenglashtirishga muvaffaq bo'ldi. 

Dastlabki ikki setda 0:6, 5:7 hisobida yutqazgan Jo'rabek uchinchi setni tay-brekda 7:6(6) hisobida o'z foydasiga hal qildi. To'rtirchi va beshinchi setlarda esa kuchli raqibiga hech qanday imkoniyat qoldirmadi - 6:2, 6:2. Etibor bering, Norri reytingda 70, Jo'rabek esa 434-o'rinni band etgan.