"Devis kubogi". Juftlik bahslaridan so'ng hisob 2:1...

Kecha dastlabki bahslar o'tkazilgan va birinchi kun yakunlariga ko'ra 1:1 hisobi qayd etilgandi. Bugun juftlik bahslari bo'lib o'tdi.

Unda Denis Istomin va Sanjar Fayziev mezbon tennischilar Jeymi Marrey va Daniel Inglotdan tashkil topgan juftlikka qarshi o'yin o'tkazdi.

2 soat 57 daqiqa davom etgan o'yinda afsuski hamyurtlarimiz 6:4, 6:7, 2:6, 3:6 hisoblarida imkoniyatni boy berib qo'ydilar.

SHu tariqa Britaniya - O'zbekiston qarama-qarshiligida hisob 2:1 ko'rinishiga keldi.

Endi ertaga yakkalik bahslari doirasida Denis Istomin va Jo'rabek Karimov kortga chiqadi.