14 sen 12:01
Yangiliklar

Tennis

Devis Kubogi. O'zbekiston - Estoniya. Hisobda oldinga chiqib oldik

Xabar berganimizdek, shu kunlarda poytaxtimizda tennis bo'yicha norasmiy jahon chempionati hisoblangan Devis Kubogi doirasidagi O'zbekiston - Estoniya uchrashuvi bo'lib o'tmoqda.

II Jahon guruhi doirasidan o'rin olgan ushbu qarama-qarshilikda bugun juftlik hamda yakkalik bahslari o'tkazilmoqda.

Kechagi kungi bahslardan so'ng hisob 1:1 ko'rinishiga kelgandi. Biroz avval juftlik uchrashuvi yakuniga etdi. Unda Humoyun Sultonov va Sergey Fomin juftligi Mark Layal hamda Kristian Tam hamkorligiga qarshi kortga chiqib, ortiqcha qiyinchiliksiz g'alaba qozondi - 6/0, 6/4.

SHu tariqa, O'zbekiston terma jamoasi 2:1 hisobida oldinga chiqib oldi. Ayni daqiqalarda Humoyun Sulonov yakkalik uchrashuvida Mark Layalga qarshi bahs olib bormoqda.