Devis kubogi. O'zbekiston terma jamoasining navbatdagi raqibi malum bo'ldi. Toshkentda yana tennis bayrami bo'ladi!

O'zbekiston terma jamoasi Polshaga qarshi mag'lubiyatidan so'ng aynan II guruhga tushib ketgan edi. Endilikda hamyurtlarimizning ushbu guruhdagi o'yini sentyabr oyida Estoniyaga qarshi bo'lib o'tadi.

Ahamiyatlisi, Estoniyaga qarshi o'yinlar Toshkent shahrida o'tkazilishi malum bo'ldi. Hozircha o'yinlarning rasmiy sanasi va aynan qaysi arenada o'tkazilishi bo'yicha xabarlar mavjud emas.

Eslatib o'tamiz, O'zbekiston tennis terma jamoasi Devis kubogidagi so'nggi o'yinini joriy yilning fevral oyida I Jahon guruhiga saralash doirasida Polshaga qarshi o'tkazib, 0:4 hisobida imkoniyatni boy bergan edi. Estoniya esa o'zining oxirgi o'yinida Eronni 3:1 hisobida mag'lub etib, II Jahon guruhiga yo'l olgan edi. 

Jamoalar shu kungacha biror marta o'zaro to'qnash kelmaganini takidlash lozim.

Malumot o'rnida, O'zbekiston terma jamoasi ayni paytda Devis Kubogi reytingida 42-o'rinni egallab turibdi. Estoniya esa ushbu reytingda 57-o'rinda qayd etilgan.