"Devis Kubogi". O'zbekistonning Bosniya va Gercogovina bilan o'yin uchun tarkibi malum

I Jahon guruhi uchun pley-off bosqichi doirasida o'tkaziladigan bahsda terma jamoamiz sharafini himoya qiladigan tennischilarimiz nomi aniq bo'ldi. 

Unga ko'ra, mazkur qarama-qarshilikda Humoyun Sultonov, Sergey Fomin, Maksim SHin va Rahimbek Ibrohimov tarkibimizdan o'rin olgan. 

O'yinlar 31 yanvar - 1 fevral kunlari poytaxtimizdagi Respublika Olimpiya zaxiralari tennis maktabi yopiq kortlarida tashkil etiladi. Ilk kungi uchrashuvlar soat 13:00da, 1 fevraldagisi esa 11:00 da boshlanadi.

O'zbekiston terma jamoasi ushbu qarama-qarshilikda g'alaba qozonish orqali yana I Jahon guruhiga qaytishi mumkin.

Jamoalar shu kungacha o'zaro o'yin o'tkazishmagan. Bosniya va Gercegovina terma jamoasi so'nggi uchrashuvini o'tgan yilning sentyabrida I Jahon guruhi doirasida Xitoy Taypeyiga qarshi o'tkazib, 2:3 hisobida imkoniyatni boy bergan edi.