28 noy 09:28
Yangiliklar

Tennis

"Devis Kubogi". Qozog'iston terma jamoasida irodali g'alaba

Erkaklar terma jamoalari ishtirokidagi tennis bo'yicha norasmiy jahon chempionati hisoblangan "Devis Kubogi"ning final bosqichi davom etmoqda.

Qozog'iston terma jamoasi SHveciyaga qarshi kechgan bahsda 2:1 hisobidagi g'alabani tantana qildi. Avvaliga shved Elias Imer qozog'istonlik raqibi Mixail Kukushkinni mag'lub etdi - 6/3, 7/6(4).

Keyin esa Aleksandr Bublik Mikael Imerni 3/6, 6/4, 6/0 hisobida mag'lub etib, muvozanatni tikladi - 1:1.

Hal qiluvchi juftliklar bahsida esa Andrey Golubev va Aleksandr Nedovesov Andre Goransson hamda Robert Lindstedt tandemini 6/3, 6/3 hisobida engib, Qozog'iston terma jamoasiga irodali g'alabani taqdim etishdi.