"Dinamo" "Andijon" futbolchisini 250 ming dollarga sotib oldi

“Andijon” klubining 23 yoshli qanot himoyachisi Mahmud Maxamadjonov Rossiya premer-ligasi ishtirokchisi — Maxachqalaning “Dinamo” klubiga transfer qilindi.

Andijon jamoasi ushbu transferdan 250 ming dollar ishlab oldi. Bu haqda klub matbuot xizmati elon qildi.

Mahmud Maxamadjonov “Andijon” safiga joriy yil boshida qo'shilgan edi. U “Andijon” tarkibida Superligada 19 ta uchrashuvda maydonga tushib, 1 ta golli uzatma amalga oshirdi. O'zbekiston Kubogi bahslarida esa 3 ta uchrashuvda ishtirok etib, 2 ta golli uzatmani berdi.