Diyora Keldiyorova masuliyatli lavozimga tayinlandi

Dzyudo bo'yicha Parij-2024 yozgi Olimpiya o'yinlari chempioni Diyora Keldiyorova O'zbekiston Respublikasi Prezidenti huzuridagi Ijtimoiy himoya milliy agentligining Gender tengsizligi va bolalarga nisbatan zo'ravonlikka qarshi kurashish bo'yicha maxsus vakili etib tayinlandi. 

CHempion sportchimiz bilan uchrashuvda Agentlik rahbari Mansurbek Olloyorov hamda uning birinchi o'rinbosari SHahnoza Mirziyoeva Diyora Keldiyorovani qutlab, xizmat guvohnomasini tantanali ravishda topshirishdi.

SH. Mirziyoeva Diyoraning Olimpiadadagi g'alabasi ilg'or o'zgarishlar uchun katalizator bo'lib, butun dunyoga O'zbekistonning teng imkoniyatlar va hadsiz salohiyatlar mamlakati ekanligini ko'rsatib berganini takidlab o'tdi. O'z navbatida, chempion sportchimiz o'ziga bildirilgan ishonchni oqlash uchun astoydil harakat qilishini qo'shimcha qildi.