Diyora Keldiyorova Samarqand viloyati hokimiga imzosi tushirilgan kimono sovg'a qildi + FOTO

Kun yakunida federaciya rahbari Parij-2024 Olimpiadasi chempioni Diyora Keldiyorova bilan birga Samarqand viloyat hokimi qabulida bo'ldi. Ularni viloyat hokimi vazifasini bajaruvchi Adiz Boboev qarshi oldi. 

Uchrashuvda Samarqand viloyati dzyudosini yangi bosqichga olib chiqish, Diyora Keldiyorova izdoshlarining safini kengaytirish, sport obektlarining moddiy-texnik bazasini yanada yaxshilash kabi qator masalalar muhokama qilindi.

Suhbat so'nggida o'zbek dzyudosi malikasi Adiz Muzaffarovichga o'z dastxati tushirilgan kimonosini sovg'a qildi. O'z o'rnida Azizjon Kamilov ham Samarqand viloyati dzyudosi rivoji uchun katta hissa qo'shib kelayotgan Adiz Boboevga esdalik sovg'asi taqdim etdi.

SHu tariqa, O'zbekiston dzyudo federaciyasi raisi Azizjon Kamilovning Samarqand viloyatiga uyushtirgan xizmat safari yakuniga etdi.