Dmitriy CHigiryov: "Mavsum avvalidagi maqsadimizga erishdik" (+FOTO)

Sportchilarimiz musobaqada 183.01 ball bilan 10-o'rinni egalladi va 2026 yilda Italiyaning Milan va Kortina-D'Ampecco shaharlarida o'tadigan XXV qishki Olimpiya o'yinlari uchun yo'llanma qo'lga kiritdi. 

Figurali uchuvchilar turnirdan keyingi fikrlari bilan o'rtoqlashdi.

Ekaterina Geynish: "Erkin dasturdagi chiqishimizdan to'liq ko'nglimiz to'ldi. Tomoshabinlarning kuchli qo'llab-quvvatlovi bizga haqiqatan ham yordam berdi. Muxlislarga musiqa o'zgarib borgan lahzalar yoqqanini his qildik".

Dmitriy CHigiryov: "Biz Olimpiya o'yinlari kvotasini qo'lga kiritganimizdan juda xursandmiz, bu har bir sportchining orzusi. Bu mavsum boshida bizning maqsadimiz edi. Keyingi mavsumda oldinga intilib, juftlikdagi elementlarimizni yaxshilashga etibor qaratamiz. Biz ularning mustahkam, ishonchli va iloji boricha benuqson bo'lishini xohlaymiz. Keyingi mavsum uchun erkin dasturni o'zgarishsiz qoldiramiz, ammo qisqa dastur uchun yangi narsalarni qidiryapmiz. O'ylashimizcha, bu mavsumdagi qisqa dasturimiz birinchi xalqaro mavsum uchun yaxshi tanlov emasdi. Hozirda murabbiylarimiz musiqa izlayapti. Biz esa yangi qirralarni o'rganishni intiqlik bilan kutyapmiz", deydi Dmitriy.