Doimiy ish bilan band bo'lgan aholi qatlami dam olish kunlarida sportga jalb etilmoqda

Erta tongdan badantarbiya bilan shug'ullanish jismoniy salomatlikni oshirish bilan birga, insonning kayfiyatini ko'taradi. Kun davomida faol bo'lib, har bir vazifaga ishtiyoq bilan kirishadi. Sport bilan muntazam shug'ullanish kasalliklarning oldini oladi, sog'lom va uzoq umr ko'rishga yordam beradi.

Jumladan, Toshkent viloyatining har bir hududida mahalliy aholining salomatligini mustahkamlash yo'lida va ularni doimiy sportga jalb etish borasida muntazam ravishda ommaviy sport tadbirlari tashkil etilmoqda.

SHunday tadbirlardan biri Nurafshon shahrida tashkil etildi va unda hafta davomida doimiy ish bilan band aholi qatlamini dam olish kunlarida sport bilan shug'ullanishlarini tashkil etish maqsadida shahar markazidagi o'yingohga taklif etildi.

Dastavval tadbir ishtirokchilari tetiklashtiruvchi badantarbiya mashqlariga jalb etildi. SHundan so'ng «Sog'lom hayot uchun 5000 qadam» shiori ostida ommaviy yurish marafoniga start berildi.