Dyusseldorf. Ilk kunning barcha g'olib va sovrindorlari (Erkaklar)

Musobaqaning ilk kuni erkaklar o'rtasidagi bahslarda ikki vazn toifasida g'olib va sovrindorlar nomi malum bo'ldi. Rio-2016 Olimpiadasi sovrindori, Osiyo o'yinlari g'olibi Diyorbek O'rozboev qatnashgan -60 kg vazn toifasida dzyudo vatani vakili Riyuji Nagayama oltin medalni qo'lga kiritdi. Yaponiyalik dzyudochi final uchrashuvida rossiyalik Robert Mshvidobadzeni mag'lub etdi. Ushbu vaznda gollandiyalik Tornike Ckadoea va gruziyalik Luxumi CHkvimiani bronza medaliga sazovor bo'lishdi. O'rozboev 7-o'rinni egalladi. 

-60 kg:

1. Riyuji Nagayama (Yaponiya)

2. Robert Mshvidobadze (Rossiya)

3. Tornike Ckadoea (Gollandiya)

3. Luxumi CHkvimiani (Gruziya)

-66 kg vazn toifasida yaponiyalik Yoshiro Maruyamaga teng keluvchi raqib topilmadi. Kunchiqar yurt vakili final bellashuvida koreyalik Lim Xvan Kimdan ustun keldi. Rossiyalik Yakub SHamilov hamda mo'g'ulistonlik Bashkuu Yondonpereley bronza medaliga ega chiqshdi. Ushbu vazn toifasida yurtimiz sharafini Artyom SHturbabin himoya qildi. U xitoylik Jikyang Vu, germaniyalik Manuel SHeybelni mag'lub etib, uchinchi bahsida koreyalik Kim Lim Xvanga yutqazib qo'ygan edi. 

-66 kg:

1. Yoshiro Maruyama (Yaponiya)

2. Lim Xvan Kim (Janubiy Koreya)

3. Yakub SHamilov (Rossiya)

3. Bashkuu Yondonpereley (Mo'g'uliston)