Dzyudo. Birinchi kungi bahslardan so'ng hozircha 8-o'rindamiz

Sovrin jamg'armasi 100 000 dollardan iborat musobaqada dunyoning 27 ta davlatidan jami 183 nafar sportchi ishtirok etyapti. Eng ko'p qatnashchi terma jamoamiz tarkibida qayd etilgan bo'lib, 55 nafar dzyudochi kechadan medallar uchun bahslarga kirishdi.

Kechagi kungi bahslardan so'ng O'zbekiston terma jamoasi medallar jamg'arish bo'yicha umumjamoa hisobida 2 ta bronza medali bilan 8-o'rinni egallab turibdi. -60 kg vazn toifasida SHarofiddin Lutfullaev, -66 kg vaznda Sardor Nurullaev ana shu 2 ta medalni terma jamoamizga taqdim etishdi.

Mo'g'uliston terma jamoasi bittadan oltin, kumush va bronza medallarini jamg'argan holda hozircha umumjamoa hisobida birinchi o'rinni egallab turibdi. Bizdan oldingi o'rinlardan Isroil, Polsha, Ozarbayjon, Belarus, Rossiya va Serbiya terma jamoalari joy olishgan.