Dzyudo bo'yicha O'zbekiston kubogida umumjamoa hisobida sovrindor uchlik qanday ko'rinishda bo'ldi?

"Geolog" arenasida o'tgan musobaqada Qoraqalpog'iston Respublikasi, barcha viloyatlar hamda Toshkent shahridan kelgan 600 nafardan ziyod dzyudochi ishtirok etdi. 

Uch kunlik murosasiz bellashuvlar yakuniga ko'ra, Xorazm viloyati terma jamoasi bitta oltin medal ko'proq qo'lga kiritgani evaziga umumjamoa hisobida birinchi o'rinni egalladi. Xorazm jamoasining bu muvaffaqiyatiga har doimgidek dzyudochi qizlar hissa qo'shishdi. Xorazmliklar 3 tadan oltin, kumush hamda bronza medallariga sazovor bo'lishdi. 

Qashqadaryo viloyati terma jamoasi ikkinchi o'rinni band etdi. O'zbekiston kubogi mezbonlari 2 ta oltin, 3 ta kumush, 9 ta bronza medaliga ega chiqishdi. Buxoro va Samarqand viloyati terma jamoalari kuchli uchlikka yakun yasab berishdi. Jamoalarga kuboklarni Qashqadaryo viloyati Sport boshqarmasi boshlig'i Vahob Ro'ziev topshirdi.