Dzyudo. Islom Karimov xotirasiga bag'ishlangan turnir o'tkazildi

SHu kuni xususan, Toshkent viloyati CHirchiq shahridagi “Haydar Maqsudov” nomli mahalla fuqarolar yig'ini hamda CHirchiq shahar hokimligining birinchi sektori hududida joylashgan 14-umumiy o'rta talim maktabida ham Birinchi Prezidentimizning yorqin xotirasi uchun sportning dzyudo turi bo'yicha turnir tashkil etildi. CHirchiq shahar hokimligi, “Adolat” SDP shahar kengashi, CHirchiq shahar jismoniy tarbiya va sport bo'limi, Xalq talimi bo'limi, Bolalar va o'smirlar sport maktabi, “Haydar Maqsudov” nomli mahalla fuqarolar yig'ini hamkorligidagi ushbu xotira turnirida ellik nafardan ortiq o'smirlar o'z mahoratlarini namoyish etishdi. Murosasiz o'tgan bahslar yakuniga ko'ra Umidjon Ernazarov (35 kg. 21-maktab), Amal Belyasov (50 kg., 24-maktab), Xurshid Boymatov (+60kg., CHirchiq tibbiyot kolleji) kabi sportchi-o'quvchilar faxrli birinchi o'rinni qo'lga kiritib, tashkilotchilar tomonidan medal, diplom va esdalik sovg'alariga ega bo'lishdi. Tadbirning ochilish va yopilish marosimida so'z olgan Jahongir Matkarimov (CHirchiq shahar hokimining yoshlar siyosati, ijtimoiy rivojlantirish va manaviy – marifiy ishlar bo'yicha o'rinbosari),  Ravshan Dastirov ( “Adolat” SDP CHirchiq shahar kengashi raisi),  Komil Normetov (CHirchiq shahar Xalq talimi bo'limi mudiri), Ulpash Sarsenova (CHirchiq shahar XTBga qarashli 14 –umumiy o'rta talim maktabi direktori) va boshqalar Birinchi Prezidentimiz Islom Karimovning yurtimizda tinchlik va barqarorlikni saqlash, xalqimizning mustaqil taraqqiyot yo'lini munosib himoya qilishdagi buyuk ishlari haqida etirof etishdi.

Ilhom RAHMONOV