Dzyudo. Jahon chempionatida bronza medali uchun ikki sportchimiz o'zaro jang qildi

-60 kg vazn toifasida ikki nafar sportchimiz bronza medali uchun jang o'tkazdi.

Diyorbek O'rozboev yarim finalda ozarbayjonlik Orhan Safarovga mag'lub bo'lganidan so'ng, o'tish janglarida g'olib bo'lgan sportchiga qarshi bronza medali uchun jang qilishi lozim edi. O'tish janglarida esa boshqa vakilimiz Muxriddin Tilovov qozog'istonlik raqibini mag'lubiyatga uchratib, bronza uchun kurashish imkoniyatini qo'lga kiritgandi.

Bronza medali uchun jangda ikki vakilimiz o'zaro jang o'tkazdi. Yakunda nisbatan tajribaliroq Diyorbek Muxriddinni mag'lubiyatga uchratdi va jahon chempionatining bronza medali sohibiga aylandi. Tilovov esa beshinchi o'rin bilan kifoyalandi.