Dzyudo. O'rozboev yarim finalda, Tilovov bronza uchun kurashadi

-60 kg vazn toifasida bo'lib o'tayotgan janglarda Rio Olimpiadasi sovrindori Diyorbek O'rozboev chorak finalda mo'g'ulistonlik Boldbaatar Ganbatni mag'lubiyatga uchratib, yarim finalga yo'l oldi. U finalga chiqish uchun ozarbayjonlik Orhan Safarovga qarshi jang qiladi.

Muxiddin Tilovov esa yaponiyalik Naoxisa Takatoga imkoniyatni boy berib qo'ydi. Endi u o'tish jangida bronza medali uchun kurashadi. Muxiddin dastlabki jangida qozog'istonlik Gusman Qirg'izboevni mag'lub etishi lozim bo'ladi.