Dzyudo. Yoshlarimiz Osiyo chempionatida 10 ta medal bilan to'rtinchi bo'lishdi

Qitamizning 17 davlati dzyudochilari qatorida yurtimiz sportchilari ham Osiyo chempionati medallari uchun tatamiga chiqishdi. Musobaqaning birinchi kuni terma jamoamiz azolari jami 8 ta medalni qo'lga kiritishgandi. Ikkinchi kungi bahslarda esa dzyudochilarimiz 2 ta medal bilan kifoyalanishdi.

O'nta medaldan ikkitasi oltin bo'lib, kattalar terma jamoasi bosh murabbiyi Andrey SHturbabinning o'g'li Artyom -66 kg vaznda barcha raqiblarini mag'lubiyatga uchratib, Osiyo chempioniga aylandi.

Terma jamoamizga ikkinchi oltin medalni -73 kg vaznda tatamiga chiqqan Muso Sobirov taqdim etdi. U finalda mo'g'ulistonlik Batbold Bulganni muddatidan avval mag'lubiyatga uchratdi.

Hamyurtlarimizdan SHermuhammad Jandreev, Manucher SHirinov, Behruz Amandavlatov, Gulnur Muratbaeva va Sanobar Sultonova kumush medalni qo'lga kiritdi. Alisher Yusupov, Kimyo Marasulova va Kemran Nurullaev bronza medali bilan taqdirlandi.

Osiyo chempionati yakunida terma jamoamiz 10 ta medal bilan umumjamoa hisobida to'rtinchi o'rinni band etishdi. Hisobida 5 ta oltin, 6 ta bronza medali bo'lgan dzyudo vatani Yaponiya terma jamoasi umumjamoa hisobida birinchi o'rinni egalladi.