14 okt 13:28
Yangiliklar

Dzyudo

Dzyudochilarimiz Abu-Dabi "Katta Dubulg'a" turnirini 2 ta medal bilan yakunlashdi + FOTO

Kecha BAAning Abu-Dabi shahrida dzyudo bo'yicha "Katta Dubulg'a" turniri o'z yakuniga etdi.

Musobaqaning so'nggi kuni og'ir vazn toifasidagi bahslar tashkil etildi.

Kecha yurtdoshlarimizdan +100 kg vaznda kurashgan O'tkirbek To'raboev bronza medali sohibiga aylandi. U neytral maqomda kurashgan rossiyalik taniqli dzyudochi Tamerlan Bashaevdan ustun keldi va ilk bor ushbu tasnifdagi turnirda medal qo'lga kiritdi.

SHu tariqa, dzyudo bo'yicha O'zbekiston terma jamoasi Abu-Dabi "Katta Dubulg'a" turnirini 2 ta bronza medali bilan yakunladi. Musobaqaning ilk kuni Muhriddin Tilovov (-66 kg) ham bronza medaliga sazovor bo'lgan edi. Bu bilan terma jamoamiz BAAdagi turnirni 13-o'rinda yakunladi.