Dzyudochilarimiz Toshkent Gran-Prisida 20ta medal qo'lga kiritishdi

Ketma-ket to'rtinchi marotaba Toshkentda tashkil etilgan ushbu nufuzli musobaqada 15ta mamlakat polvonlari jami 14 (ayollar va erkaklar 7tadan vaznda)ta vazn toifasida medallar uchun baxslarga kirishishdi.

Etiborlisi, yakunda O'zbekiston terma jamoasi 6ta oltin, 3ta kumush, 9ta bronza, jami 20ta medal bilan umumjamoa hisobida birinchi o'rinni egalladi.

Uchta oltin, 2ta kumush, 5ta bronza medalini qo'lga kiritgan Qozog'iston terma jamoasi ikkinchi o'rinni band etdi. Uchta oltin, 2ta kumush va 4ta bronza medaliga egalik qilgan Rossiya terma jamoasi kuchli uchlikka yakun yasadi.

Toshkent Gran-Prisida terma jamoamizga oltin medallarni Muhriddin Tilovov (-60 kg), Mirzohid Farmonov (-73 kg), Davlat Bobonov (-81 kg), Yaxyo Imomov (-90 kg), Soyib Qurbonov (-100 kg) hamda Gulnoza Matniyozova (-70 kg) taqdim etishdi.

G'iyosjon Boboev, Davronbek Sattorov va Diyora Keldiyorova finalgacha etib borib, kumush medal bilan taqdirlanishdi. SHarofiddin Lutfullaev, Boltaboy Boltaev, Erkin Doniyorov, Muhammadkarim Xurramov, Muso Sobirov, Nodira Gulova, Muqaddas Kubeeva, Guloyim Jumaboeva, Sanobar Sultonova, Kumush hamda Rahima Yo'ldoshevalar bronza medaliga sazovor bo'lishdi.