17 jan 12:18
Yangiliklar

Dzyudo

Dzyudochilarimiz Tunis Gran-Prisida ishtirok etishadi

19-21 yanvar kunlari Afrika qitasining Tunis davlatida joriy mavsumning ilk nufuzli musobaqasi bo'lib o'tadi.

Poytaxt Tunis shahridagi El Menzah Sports Hall arenasi Gran-Pri turkumiga kiruvchi ushbu turnirga mezbonlik qiladi. Tunis Gran-Prisida dunyoning 46 davlatidan 430 nafar dzyudochi jami 14ta vazn (7 nafardan erkaklar va ayollar) toifasida tatamiga chiqishadi.

Yurtimiz sport sharafini 7 nafar dzyudochimiz himoya qiladi. Erkaklar o'rtasidagi bahslarda Artyom SHturbabin (-66 kg), Mirzohid Farmonov (-73 kg), Davlat Bobonov (-81 kg), SHermuhammad Jandreev (-90 kg), Ixtiyor Xolmurodov (+100 kg) o'z mahoratini namoyish etadi.

Qizlarimizdan esa Gulnur Muratbaeva va Diyora Keldiyorova medallar yo'lida bahslarga kirishishadi. Har ikki sportchi qizimiz ham -48 kg vazn toifasida o'z imkoniyatini sinovdan o'tkazadi.