Dzyudochilarimiz Turkiy davlatlar Universiadasining birinchi kuni 7 ta medal qo'lga kiritishdi, 3 tasi oltin!

Ushbu kompleks musobaqada mezbonlardan tashqari O'zbekiston, Qozog'iston, Ozarbayjon va Turkiyadan kelgan talaba-sportchilar 7 ta sport turidan medallar uchun bahslarga kirishdi.  Universiadada 80 sportchidan iborat O'zbekiston delegaciyasi barcha sport turlari bo'yicha yurtimiz sharafini himoya qilmoqda. 

Quvonarlisi, Ulug'bek Azizov va Aziz Tashmatov murabbiyligidagi talaba-dzyudochilarimiz Universiadadagi ishtiroklari muvaffaqiyatli boshlashdi. Musobaqaning ilk kuni 3 ta oltin, 1 ta kumush, 3 ta bronza medalini qo'lga kiritdik.  

Rayhona Mamatova (-57 kg), Mohlaroyim Tuxtamisheva (+78 kg), Hojiakbar Toshev (-73 kg)  Universiada chempioni bo'lishdi. Ruxshona Alisherova (-48 kg) kumush medalga ega chiqqan bo'lsa, SHirinjon Yuldasheva (-70 kg), Sardorbek Erkinov (-90 kg) va Kamoliddin Baxtiyorov (-60 kg) bronza medali bilan taqdirlandi. 

Bugun qolgan vaznlarda bahslar davom ettiriladi. Hozircha medallar jamg'arish bo'yicha 1-o'rinni egallab turibmiz. Ozarbayjon 3 ta oltin, 1 ta kumush, 1 ta bronza medali bilan 2-o'rinni band etgan. Kuchli uchlikka Qozog'iston 1 ta oltin melal bilan yakun yasagan.