06 fev 13:51
Yangiliklar

Dzyudo

Dzyudochilarimiz Xumsonda mashg'ulotlarga kirishishdi

Dzyudo bo'yicha O'zbekiston terma jamoasi azolari Toshkent viloyatining Bo'stonliq tumanida joylashgan “Xumson” sihatgohida yig'in boshlashdi.

Ushbu o'quv-mashg'ulot yig'inida asosiy tarkib dzyudochilari bilan birga terma jamoaga nomzod istedodli yoshlar ham ishtirok etishyapti. Mazkur yig'in Germaniyaning Dyusseldorf shahrida o'tkaziladigan “Katta Dubulg'a” turkumiga kiruvchi turnirga tayyorgarlik bosqich vazifasini o'tab beradi.

Farhod To'raev boshchiligidagi mashg'ulotlarda Diyorbek O'rozboev, SHahram Ahadov, G'iyosjon Boboev, SHerali Jo'raev, Bekmurod Oltiboev, Gulnoza Matniyazova, Amina Mamedova singari terma jamoamizning etakchi dzyudochilari bor.