Ektor Kuper shu haftada shartnomaga qo'l qo'yadi

Argentinalik 62 yoshli mutaxassis Ektor Kuper O'zbekiston futbol Associaciyasi bilan shartnoma imzolaydi va mamlakat bosh jamoasini qabul qilib oladi.

Katta ehtimol bilan bu marosimning shu haftadayoq o'tkazilishi kutilmoqda. Hozircha shartnomaning qancha muddatga imzolanishi nomalum.

SHunisi aniqki, Kuper oldiga birinchi galda O'zbekiston terma jamoasini 2019 yilning yanvar oyida BAAda bo'lib o'tadigan Osiyo Kubogiga tayyorlash vazifasi qo'yiladi.  

Bu haqda Championat.asia saytiga muxbirimiz bilan muloqotda O'FA rahbariyati malum qildi.

Eslatib o'tamiz, Ektor Raul Kuper Rossiyada o'tgan mundialda Misr terma jamoasini boshqargan edi.

EKTOR RAUL KUPER (Argentina)
Tug'ilgan sana: 16 noyabr 1955 yil
Tug'ilgan joy: Santa Fe, Argentina
Boshqargan jamoalari: "Urakan", "Lanus", "Malkorka", "Valensiya", "Inter", "Betis", "Parma", Gruziya MTJ, "Aris", "Rasing", "Orduspor", "Al Vasl", Misr MTJ.
Murabbiylikdagi yutuqlari: Konmebol kubogi sohibi -1996, Ispaniya Superkubogi sohibi -1998, Ispaniya Superkubogi sohibi -1999.