"El Klasiko"da barcha masala so'nggi daqiqada hal bo'ldi: "Real" - "Barselona" 2:3

O'yinning 28-daqiqasida burchak to'pidan so'ng Serxio Ramos to'pni darvozaga yo'lladi, zarba darvoza ustuniga tegib qaytdi, qaytgan to'pni Kazemiro bo'sh darvozaga yo'llab hisobni ochdi - 1:0.

Oradan ko'p o'tmay Lionel Messi raqib jarima maydoni yonida ikki raqibni aldab Keylor Navas darvozasini ishg'ol qildi - 1:1. 

73-daqiqada Toni Kroosni aldagan Ivan Rakitich chap oyog'ida darvozaning uzoq ustuni yoniga zarba berib gol urdi - 1:2.  Uchrashuv tugashiga 5 daqiqa qolganida CHap qanotdan uzatilgan to'pni Xames Rodriges yaqin masofadan gol urib hisobni tenglashtirdi - 2:2. 

Hakam tomonidan qo'shib berilgan so'nggi ikkinchi daqiqada Albaning pasidan so'ng Messi kuchli zarba bilan gol urdi va "Barselona"ga g'alaba keltirdi - 2:3. 

"Real Madrid" - "Barselona" 2:3

23 aprel. Madrid. "Santyago Bernabeu" stadioni. 

Gollar: 1:0 – 28 Kazemiro, 1:1 – 33 Messi, 1:2 – 73 Rakitich, 2:2 – 85 Xames, 2:3 – 90 Messi.

Real Madrid – Navas, Karvaxal, Nacho, Marselo, Ramos, Kroos, Modrich, Kazemiro (Kovachich, 70), Beyl (Asensio, 39), Benzema (Xames, 82), Ronaldu.

Barselona –   ter Stegen, Pike, Umtiti, Alba, Serdji Roberto, Buskets, Rakitich, Inesta, Pako Alkaser (Andre Gomesh, 70), Suares, Messi.

Bosh hakam - Alexandro Ernandes (Santa-Krus-de-Tenerife).

Ogohlantirishlar: Kazemiro (12), Umtiti (39), Kovachich (81), Messi (90).

CHetlatish: Ramos (77).