Elit CHempionlar ligasi. "Al Sadd" penaltilar seriyasida "Al Hilol"ni musobaqadan chiqarib yubordi + VIDEO

Mintaqaning eng kuchli klublaridan biri "Al Hilol" o'z maydonida Qatarning "Al Sadd" jamoasiga imkoniyatni boy berdi.

"Al Hilol" (Saudiya Arabistoni) — "Al Sadd" (Qatar) 3:3 (penaltilar seriyasida — 3:4)

Gollar: Milinkovich-Savich 29 (1:0), Klaudino 36 (1:1), Salim al-Davsari 55 (2:1), Mujika 58 (2:2), Markos Leonardo 67 (3:2), Roberto Firmino 70 (3:3).

Uchrashuv haqiqiy gollar shousiga aylanib ketdi. Mezbonlar uch bor hisobda oldinga chiqib olishgan bo'lsa-da, mehmonlar har safar muvozanatni tiklashga kuch topa olishdi. Ayniqsa, "Al Sadd" safida Roberto Firminoning 70-daqiqada urgan goli qatarliklarga qo'shimcha vaqtlar va penaltilar seriyasi uchun imkon taqdim etdi.

G'olib nomi lotereyada aniqlandi. Penaltilar seriyasida omad "Al Sadd"ga kulib boqdi — 4:3. SHu tariqa, "Al Hilol" kutilmaganda o'z yurishini nimchorak finaldayoq to'xtatishga majbur bo'ldi.